Месси: “Доимий қувиб юрган орзум ўтган йил охирида амалга ошди. Барчангизни қучиб қоламан”

“Йилнинг охири унутилмайдиган тарзда якунланди. Ваниҳоят, доимий қувиб юрган орзум амалга ошди. Аммо бу муваффақиятни энг яхшилари ичида энг зўри бўлган қойилмақом оилам ва доимо мени қўллайдиган дўстларим билан нишонлай олмасам, ҳеч нарсага арзимаган бўларди. Ҳар йиқилганимда улар мени курашишга ундашди.

Менга бефарқ бўлмаган ва қўллаб-қувватлайдиган барча одамларни ҳам алоҳида айтиб ўтмоқчиман. Ушбу йўлни сизлар билан баҳам кўриш ёқимли. Қўлга киритган ютуқларимга мамлакатимнинг барча аҳолиси, шунингдек, Париж, Барселона ва бошқа кўплаб шаҳарлар ҳамда жуда кўп меҳр-муҳаббат оладиган мамлакатларнинг қўллашларисиз эриша олмасдим. Умид қиламанки, бу йил барча учун мўжизавий бўлди ва 2023 йилда бахтли бўлишда давом этишингиз учун барчангизга сиҳат-саломатлик, куч-қувват тилайман. Барчани қучиб қоламан!”, дея ёзган Месси ижтимоий тармоқдаги саҳифасида.