Месси: "Чемпионлар лигаси мен ва ПСЖнинг асосий мақсади"

- ПСЖдаги мақсадларингиз қандай? Жамоангизни Чемпионлар лигасида ғалаба қозониш учун фаворит деб ҳисоблайсизми?

- Ҳа. Бу ерга келишимнинг асосий сабаблардан бири шу эди. "Барселона"даги хайрлашув нутқимда таъкидлаганимдек, майдонда эканман, сўнгги дақиқаларгача совринларни қўлга киритишга ҳаракат қиламан.

ПСЖга ўтишга қарор қилганимнинг сабабларидан бири шундаки, бу ердаги жамоа ажойиб, клубда шунча йиллик уринишлардан сўнг ўсиш ва Чемпионлар лигасида ғалаба қозониш истаги бор. Шу боис мен бу жамоага ўтишга қарор қилдим - бу менинг ҳам мақсадларимдан биридир.

- Чемпионлар лигасининг уч учрашувида учта гол ургансиз. Турнирда ғалаба қозониш сизнинг асосий мақсадингизми?

- Ҳа, бу мен ва клуб учун муҳим мақсад ҳисобланади. ПСЖ анчадан бери бу борада пул сарфламоқда, улар ушбу турнирда ғалаба қозонишни истайди, клуб бунга яқин келганди.

Парижликлар фаворитлардан бири, аммо ягона даъвогар эмас. Ҳамма биз ҳақимизда гапиради, лекин бошқа гранд жамоалар ҳам бор, улар ҳам йиллар давомида астойдил ривожланиш сари бормоқда, улар ҳам кучли футболчилар билан шартнома имзолаган. "Манчестер Сити", "Бавария", "Ливерпуль", "Атлетико", "Челси" Чемпионлар лигасида ғалаба қозона оладиган жамоалардан саналади.

Энг яхши жамоалар ҳар доим ҳам ғалаба қозона олмайди, чунки бу кўплаб деталларга боғлиқ. Футболда ҳамма нарса бўлиши мумкин", - деди Месси.