Месси: "Болаларнинг бутун авлоди мени кузатиб улғайди. Бўлажак ЖЧ олдидан уларнинг қўллаб-қувватлашини ҳис қиляпман"
22 oct 2022 11:16
News

Месси: "Болаларнинг бутун авлоди мени кузатиб улғайди. Бўлажак ЖЧ олдидан уларнинг қўллаб-қувватлашини ҳис қиляпман"

ПСЖнинг аргентиналик ҳужумчиси Лионель Месси 2022 йилги Жаҳон чемпионатида ҳамюртларидан кутаётган қўллаб-қувватлаш ҳақида гапирди.

"Мени кузатиб улғайган болаларнинг бутун авлоди бор. Улар 2021 йилда Америка Кубогида Аргентина билан бирга чемпион бўлганимни кўришди ва бу бизнинг улар билан ришталаримизни мустаҳкамлади. Мени бутун мундиаль давомида қўллаб-қувватлашларини ҳис қиляпман", – деди Месси аргентиналик журналист Пабло Гиральтга берган интервьюсида.

ПСЖ ҳужумчиси Аргентина терма жамоаси сафида 164 та ўйин ўтказиб, 90 та гол урган. Месси тўртта Жаҳон чемпионати ва олтита Америка Кубоги турнирларида иштирок этган.

ЖЧ-2022 Қатарда бўлиб ўтади. Аргентина терма жамоаси "C" гуруҳида Саудия Арабистони, Мексика ва Польша билан ўйнайди.

Link :

Source : Marca

Receive latest football news directly on your phone. Subscribe for our Telegram channel!

Rating: +15