Месси билан ўйнаш учунгина Мбаппе ПСЖ билан шартномани узайтириши мумкин
07 aug 2021 11:41
News

Месси билан ўйнаш учунгина Мбаппе ПСЖ билан шартномани узайтириши мумкин

Трансфер бозори ниҳоясига яқинлашгани сари, "ҳарорат ошиб бормоқда".

Турли манбааларнинг хабарларига кўра, "Барселона" билан хайрлашган Месси тобора Парижга яқинлашиб бормоқда. Ушбу вазиятни "Қироллик клуби" ҳамда унинг мухлислари ҳам синчковлик билан кузатишмоқда. Аввалига Лео Месси ПСЖга кўчиб ўтиши ҳақидаги хабарлар "Реал" мухлисларини хурсанд қилганди. Бунга сабаб сифатида, аргентиналик жамоага келса, ПСЖ таркибдан каттароқ нархга эга кимнидир сотишга мажбурлиги ва бу танлов катта эҳтимол билан Мбаппе бўлиши айтилаётганди.

Аммо энди вазият ўзгариб кетиши ҳамда Килианнинг ўзи Месси билан бирга маълум муддат бир жамоада тўп тепиш учун шартнома муддатини узайтириши мумкинлиги айтилмоқда.