Latest news

14:55"Ливерпуль" "Реал" қизиқишларига қарамай, Конате билан шартномани узайтирмоқчи  0 14:26"Барселона"нинг ЕЧЛ доирасидаги навбатдаги уй учрашуви қаерда ўтиши маълум  0 13:54"Нефтчи" Абдураимов ва Иванков билан бир ҳафта ичида ҳисоб-китоб қилиши лозим — ПФЛ  4 13:38Ла Лига президенти "Манчестер Сити"ни қаллобликда айблади  1 13:11"Манчестер Юнайтед" 17 ёшли колумбиялик истеъдодни сафига қўшиб олмоқчи  3 12:44Трамп Эрон вакилларининг ЖЧ қуръасида қатнашишига тўсқинлик қилмоқда  5 12:15Жамолиддин Раҳматуллаев: "U-20 Жаҳон чемпионатининг Озарбайжон ва Ўзбекистонга берилиши катта мотивациядир"   1 11:53Ўзбекистон U-18 терма жамоаси Тошкентда Озарбайжон билан ўртоқлик учрашуви ўтказади  2 11:20Каннаваро мураббий сифатида Ўзбекистонга ютқазган ўйинни ёдга оламиз  23 11:06Зидан Жазоир термаси учун ўйнаши мумкин  0 10:38"Кристал Пэлас" ўз рекордини ўрнатди  1 10:08"Шўртан"ни янги мураббий бошқаради  9 09:49Тожикистон терма жамоасига янги бош мураббий тайинланди  6 09:39Мадрид клублари МЮ хавбеки учун курашади  0 09:09Флик ваъда берди  18

"Менга "Ливерпуль"дан кўра "Юнайтед" кўпроқ ёқади". Тимо Вернернинг фикри 2 йилда қанчалик тарзда ўзгарди? News

"Менга "Ливерпуль"дан кўра "Юнайтед" кўпроқ ёқади". Тимо Вернернинг фикри 2 йилда қанчалик тарзда ўзгарди?

Тимо Вернер исми Британия матбуотида 2 йил олдин пайдо бўлганди.

2017/18 йилги мавсумда ёш ҳужумчи ажойиб натижа қайд этганди: 45 ўйинда 21 гол ва 10 ассист. Айнан ўшанда унинг АПЛга кўчиб ўтиши борасида маълумотлар тарқади.

Ўшанда айнан "Ливерпуль" ва "Манчестер Юнайтед" футболчи билан боғланганди. Бироқ Вернернинг олдида ўйлаш учун кўп вақт талаб қилинмагани учун трансфер амалга ошмаганди.

2018 йилнинг март ойи: "Премьер-лигада ўйнаш - орзуим. Лиганинг 2 ёки 3 клубида ўйнашни истайман, "Манчестер Юнайтед" ҳам шулар жумласидан. Бироқ яқин 2-3 йилда эмас, ундан кейин Англия футболида камол топаман!.

"Манчестер Юнайтед" ва "Ливерпуль" Англия футболида мен энг кўп кузатадиган клублардир. Уларнинг ўйинларига мухлисман ва буюк тарихга эга клубларни қаттиқ ҳурмат қиламан. Сер Алекс даврида "Юнайтед" катта натижаларга эриша олганди.

"Ливерпуль" стадионидаги атмосфера бошқа бирорта жойда йўқ. Агарда танлаш керак бўлса, "Ливерпуль"дан кўра "Юнайтед" кўпроқ ёқади"

Ярим йил олдин Вернер ўйнаётган "Лейпциг" ЕЧЛда "Тоттенхэм"га қарши кураш олиб борди. Ўз майдонида кечган ўйинда Вернер пенальтидан гол урди ва жамоасига ғалаба келтирди.

Ўйиндан кейинги интервьюсида Вернер Премьер-лига барибир бошқача бўлишини айтди.

2020 йилнинг февраль ойи: "Юрген Клопп - дунёдаги энг яхши мураббий. Балки менга мос тушадиган ўйин айнан ўша ердадир. "Ливерпуль" ҳозирда дунёнинг энг кучли жамоаси эканлигини биламан. Бундай клубнинг номини эшитсанг, этинг жимирлаб кетади.

Бу жуда ёқимли, "Ливерпуль" таркибида ажойиб футболчилар жуда кўп. Уларнинг даражасида ўйнаш учун ҳали жуда кўп ишлашим керак".

Кайфиятнинг бундай ўзгаришига албатта фактлар етарлича: 2 йил олдин "Ливерпуль" ривожланиш даврида эди, ҳозир эса "Юнайтед"га бироз оғир бўлмоқда.

Орадан бир ой ўтиб, фикрлар яна ўзгарди.

2020 йилнинг март ойи: "Айни дамда футболда доимо икки хил вариант бўлади. Биринчи навбатда барча футболчилар "Ливерпуль" ёки "Манчестер Сити" каби клубларнинг бир қисми бўлишга интилмоқда. Уларнинг таркиби ва мураббийлари ажойиб.

Иккинчи вариант эса, шундай ҳолатдаги жамоалар бўладики, ҳар бир футболчига барчаси оғир бўлади. Мен шундай жамоанинг бир қисми бўла оламанми? Аслида бу ҳам эътибор қаратиш керак бўлган бир вазият.

Яна бир вариант - шундай жамоалар борки, катта совринларга эга чиққаридан кейин юқори рақобатга чидай олмаётганидан катта танаффусга чиққан клублар. "Манчестер Юнайтед" ҳозирда шулар жумласидан".

Ҳозир апрель, ОАВнинг маълумотларига кўра, Тимо "Ливерпуль"га ўтишга тайёрланмоқда. Балки навбатдаги интервьюда барчаси ўзгариб қолар, нима дедингиз?

Миржалол Норматов

Rating: +4   

Comments

championat.asia
< show latest news
Яндекс.Метрика