Менди: "Зидан - буюк мураббий, у кучайишимга ёрдам беради"

Унинг қайд этишича, "қироллик клуби" устози Зинедин Зидан унинг кучайишига ёрдам беради.

"Дунёдаги энг катта клуб билан шартнома имзолаганимдан ва мени янада кучайишимга ёрдам бера оладиган буюк мураббий билан ишлашимдан хурсандман. Шунингдек, "Лион"даги ходимлар, мухлислар ва жамоадаги дўстларимга ўтган икки йил учун миннатдорчилик билдирмоқчиман. Уларга ҳамма яхши тилакларимни билдираман. Бундан ташқари, оилам, мураббийларим ва менга ёрдам берган ҳаммага раҳмат айтмоқчиман", - дейди Менди.

Менди "Лион" таркибида 79та ўйин ўтказди. Унинг ҳисобида 3та гол ва 7та ассист бор. Футболчи жамоага 2017 йил ёзда "Гавра"дан 5 миллион евро эвазига ўтган эди.