Меҳрибонлик уйи болалари “Бунёдкор”да

1 июнь - Болаларни ҳимоя қилиш халқаро куни муносабати билан “Бунёдкор” футбол клуби ва стадиони 23-сонли меҳрибонлик уйи тарбияланувчиларини минтақамизнинг энг гўзал ва замонавий аренасига таклиф этишди.

Ота-оналар қаровисиз қолган болакайлар “Бунёдкор” футбол мактаби ва стадиони бўйлаб экскурсияда иштирок этишди. Шуниндек, бир пиёла чой устида дилдан суҳбат уюштирилди. “Бунёдкор” ФК Биринчи вице-президенти - Бош директори Бахтиёр Бобоев, “Бунёдкор” стадиони директори Воҳид Зокиров, футболчилар Сардор Рашидов ва Анвар Бердиев меҳрибонлик уйи тарбияланувчиларини байрам билан муборакбод этиб, совға-саломлар улашишди.

Болалар мароқли лаҳзалар учун миннатдорчилик изҳор қилишди ва “Бунёдкор” футбол мактабида таҳсил олаётган тенгдошларини ўз футбол майдонларида учрашув ўтказиш учун таклиф қилишди.