Latest news

00:45Англия лига кубоги. "Ман Сити" ва Ҳусанов 1/8 финалда "Суонси" билан куч синашмоқда (онлайн ҳисоб)  4 23:58Отабек Боймуродов: "Гол ҳақида гапирсам муаммоларга дуч келаман. Улар провокация қилди"  7 23:07Камолиддин Тожиев: "Ҳозир энг бахтли инсонман"  46 22:53"Алё, реф!" финалдаги баҳсли эпизодларни таҳлил қилди   41 22:44Александр Хомяков: "Футболда ҳар доим ютавермайсиз. Менимча, офсайд йўқ эди, лекин мен эксперт эмасман"  26 21:50Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди  90 21:20"Лион" Эндрикни январда ижарага олмоқчи. "Реал" форварди бу вариантни идеал деб ҳисобламоқда  3 20:43"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди  668 18:02Ўзбекистон ўсмирлар терма жамоаси назорат баҳсида Буркина-Фасога ютқазди  29 17:33Ўзбекистон Кубоги финали. Таркиблар маълум  30 16:50Футболда тайм-аут олиб бўлмайди? Уддабурон инглизлар муаммонинг ўзига хос ечимини топишди  2 16:28"Динамо" - "Хоразм" учрашуви Тошкентда ўтказилади  11 15:37Ўзбекистон U-17нинг асосий таркиби маълум  6 14:56"Андижон"нинг собиқ мураббийи Рубин Хебайнинг қандай топилгани ва нима учун клубдан кетгани ҳақида сўзлади  16 14:32"Реал" айрим футболчилари Алонсо талабларидан норози  5

Меҳнат барибир ўз мевасини беради News

Меҳнат барибир ўз мевасини беради

"Насаф"нинг Осиё чемпионлар лигасида гуруҳдан чиққани ўзбек футболи учун катта воқеа бўлди.

Буни албатта, ўзига хос сенсация деса бўлади. "Насаф"нинг ютуғи кутилмаганда ёки омад келганда бўлиб қолгани йўқ, бу айтайлик 10 йиллардан бери қилинаётган меҳнат самараси. 

"Насаф"нинг ўтган йил ОФК Кубоги финалига бориши, бу йил ОЧЛда ўйнаб, гуруҳдан чиқиши клуб жуда тўғри йўлдан кетаётганини англатади. "Насаф" эҳтимол ўз вақтида пул томонлама Ўзбекистоннинг энг яхши клубларидан бири бўлган бўлиши мумкин, лекин ҳеч қачон Ўзбекистоннинг энг бой жамоаси бўлмаган. 

Клубнинг энг катта ютуғи бу - аниқ бир режа ёки дастур асосида иш олиб бориши, раҳбарият томонидан Рўзиқул Бердиевга ҳар йил ишонч билдирилиши ва албатта, мураббий ишига ҳеч кимнинг аралашмаётгани. "Насаф" пул ортидан қувмайди, "Насаф" яхши ўйин ортидан қувади. Ҳеч шубҳасиз энг чиройли ўйин услубига эга жамоа бу - "Насаф". Юртимизда ҳеч бир жамоа "Насаф"дек чиройли ўйин кўрсатмайди. 

"Насаф" Осиё чемпионлар лигасида ўзидан 5-10 баробар пули кўп "Ал Садд"ни мағлуб этди. Балки улардаги биргина Касорла "Насаф"нинг ҳамма футболчиларидан кўп маош олиши мумкин. Тўғри, футболда пул муҳим, айниқса катта вазифаларни ҳал қилиш учун. Лекин ОЧЛда чиройли ўйнаб ҳам гуруҳдан чиқса бўлишини "Насаф" исботлаб берди.

"Насаф"да футболчилар яхши шуғулланиши, майдонга чиқиб яхши футбол намойиш этиши учун ҳамма шароит бор. "Насаф" том маънода ҳақиқий профессионал клуб. Шунинг учун ҳам Рўзиқул Бердиев маза қилиб ишлайди. "Насаф"даги шароит Ўзбекистоннинг ҳеч бир клубида йўқ. Биз жаҳон чемпионатига чиқишини 30 йилдан бери орзу қиладиган Ўзбекистон миллий терма жамоасида ҳам йўқ.

Футболимиз янги даражага чиқиши учун биринчи навбатда шароит керак бўлади. Футболчиларга бир қоп пул бериб эмас, аввало уларга яхши шароит қилибгина мақсад сари дадил ҳаракат қилиш мумкин. Шароит бўлса, натижа ҳам бўлади, натижанинг ортидан эса пул келади.

"Насаф" 10 йилдан бери ривожланиш йўлида қаттиқ меҳнат қиляпти. Жамоанинг бу кунгача гуруҳдан чиқа олмагани ҳали тайёр эмаслигидан далолат эди. Лекин энди кўряпмизки, "Насаф" пишиб етилибди. Рўзиқул Бердиев ўзи хоҳлаган ва орзу қилган жамоани туза олибди. Энди бу мураббийнинг биргина армони қоляпти: Ўзбекистон чемпиони бўлиш.

"Насаф"да чемпион бўлиш учун ҳамма имконият етарли. Фақат, буёғи "Биз чемпион бўла оламиз!" деб футболчиларнинг ўзларини ишонтира олиши қоляпти. Зеро, ғолиблик руҳи сингдирилган жамоа келаси йил ОЧЛ чорак финал, ярим финалларида ҳам ўзини кўрсата олади.

Барса Блогер.

Rating: +42   

Comments

championat.asia
< show latest news
Яндекс.Метрика