Мбаппе "Реал"даги дебют ўйинидаёқ соврин ютиши мумкин
17 jul 17:19
News

Мбаппе "Реал"даги дебют ўйинидаёқ соврин ютиши мумкин

Килиан Мбаппе "Реал" билан АҚШ бўйлаб турнега бормайди.

Мадридликлар 28 июль куни АҚШга йўл олишади ва у ерда "Милан", "Барселона" ва "Челси"га қарши ўртоқлик ўйини ўтказади.

Клуб Мбаппени йиғинга олиб кетиш ўрнига унга дам беришни афзал кўрган. Килиан 7 августдан Вальдебебасдаги базадаги янги жамоадошлари билан машғулотларга киришади. Клуб ва футболчининг ўзаро келишувига кўра, Мбаппе 14 август куни Варшавада бўлиб ўтадиган "Аталанта"га қарши УЕФА Суперкубоги учун баҳсда майдонга тушади.

Келтирилишича, бош мураббий Карло Анчелотти ва Мбаппе ўзаро янги мавсум олдидан рухий ва жисмоний дам олиши учун футболчига имконият яратиб бериш лозим деган қарорга келишган.