Мбаппе: "Месси юрган пайт, мен югуришга тайёрман. Муаммо йўқ!"

ПСЖ ҳужумчисининг сўзига кўра, Лионель Месси бор эътиборини ҳужумга қаратиши лозим, бунда Мбаппе ўз кўмагини беради.

"Мен кучли ўйинчилар билан тўп суришни хоҳлашимни доим айтиб келганман. Айнан шундайлар билан бирга майдонга тушгандан сўнг, уларга ён беришга мажбур бўласан. Аҳир мен жамоадаги ягона кучли ўйинчи эмасман. Биз биргаликда ғалаба қозонишни мақсад қилганмиз.

Жамоангда Месси бўлса,у голларга кўпроқ куч сарфлаши учун бироз куч тежаши кераклигини тушунасан. Месси юрган пайт, мен югуришга тайёрман. Муаммо йўқ!. Бу ахир Месси-ку", -дейди Килиан Мбаппе.