Latest news

00:21"Ал Ҳилол" Зиданга йилига 100+ млн евро таклиф қилганди. Мураббий эса...  2 23:50ЕЧЛ финали. ПСЖ - "Интер" 2:0 (матнли трансляция)  52 23:10Раҳмоналиев экстра-таймларда майдонга тушган ўйинда "Сабаҳ" "Қорабоғ"ни енгиб, Озарбайжон кубоги соҳиби бўлди! Клуб Европа лигаси саралашида иштирок этади  0 22:50Баҳром Ҳайдаров: "Селекция ишлари ҳар бир жамоада мунтазам давом этади"  0 22:33Виталий Левченко: "Чемпионатда танаффус юзага келганида шу каби ўртоқлик ўйинлари жамоа учун фойдали бўлади"  0 22:05CAFA U-17 Championship 2025. Ўзбекистон 120 дақиқа давом этган финалда Тожикистонга аламли тарзда ютқазди  56 21:20Назорат учрашуви. "Нефтчи" Фарғонада "Қўқон-1912" билан дуранг ўйнади  1 20:55Ўзбекистон U-23 назорат ўйинида "Хоразм"ни мағлуб этди  1 20:22Бугун финал! УЕФА Чемпионлар Лигаси бош соврини кимга насиб қилади?  22 20:11ОФК вакиллари 2 юлдузли "Бунёдкор" академиясига қандай баҳо беришди?  2 20:00Холид Ал Данҳани: "Бор эътиборимиз Ўзбекистон билан ўйинга қаратилган"  3 18:50Ўзбекистон Кубоги финали олдидан: "Оил Стар" ва БМБ бош мураббийлари қандай фикр билдирди? (тўлиқ матбуот анжумани)  1 18:43"Реал" дарвозабони клубни тарк этишга яқин  1 18:10ҚПЛ. "Турон" меҳмонда "Улитау"га мағлуб бўлди, меҳмонлар сафида уч ўзбекистонлик ҳаракат қилди  0 17:38"Атлетико" Фернандо Торрес билан шартномани узайтирди  0

Мавсум якунида "Пахтакор" - "Бунёдкор" ўзаро 4 маротаба ўйнайди. Қандай қилиб? News

Мавсум якунида "Пахтакор" - "Бунёдкор" ўзаро 4 маротаба ўйнайди. Қандай қилиб?

2021 йилги футбол мавсуми поёнига етай, деб қолди. ЎзПФЛ томонидан ўтказиб келинаётган мусобақалар ҳам айни авж нуқтасида.

Октябрь ойида Биринчи лига баҳслари тугаган бўлса, бугун янги форматда ўтказилган  U-18 чемпионати ҳам финиш маррасига етиб келди. Олдинда эса U-16, U-21, Суперлига ва Ўзбекистон кубогининг ҳал қилувчи учрашувлари қолди. Мана шу 4та мусобақага назар ташлай туриб қизиқ ҳолатга дуч келдик. Тошкентнинг икки жамоаси "Бунёдкор" - "Пахтакор" шу ойнинг ўзида 4 маротаба бир-бири билан тўқнаш келади. 

U-16 чемпионати. Ярим финал. "Бунёдкор" - "Пахтакор". 

19.11.2021. 14:00. "Чиғатой" майдони.

Жорий йилда ЎзПФЛ байроғи остида илк бор ташкил этилган U-16 чемпионати қизиқарли ва шиддатли кечмоқда. Кеча мазкур турнирнинг ярим финал босқичига қуръа ташланди. Қуръа якунларига кўра иккинчи жуфтликда "Бунёдкор" - "Пахтакор" жамолари ўрин олди. Бу ўйин ғолиби "Насаф" - "Андижон" ғолибига қарши майдонга чиқади. 

U-21 чемпионати. 26-тур. "Бунёдкор" - "Пахтакор". 

26.11.2021. "Бунёдкор" академияси майдони. 

Ўзбекистон U-21 чемпионатининг сўнгги турида "Бунёдкор" - "Пахтакор" жамоаларининг ўринбосарлари куч синашади. Айни пайтда 24-турдан сўнг турнир жадвалида интрига қизғин кўриниш олган. "Насаф" U-21, "Пахтакор" U-21, "Машъал" U-21, "Бунёдкор" U-21 бир хил 41 очкодан жамғаришган. Кумуш ва бронза медаллари йўлида кураш сўнгги турга қадар давом этиши шубҳасиз. Шу боис охирги ўйиндаги кичик Тошкент дербиси муросасиз ўтади, дея оламиз. Биринчи даврада "Қибрай"да ўтган баҳсда 2:2 ҳисобида қайд этилган эди. 

Ўзбекистон кубоги. Ярим финал. "Пахтакор" - "Бунёдкор". 

24.11.2021. 17:30, "Пахтакор" марказий стадиони

20-21 ноябрь кунлари Суперлиганинг 25-тур учрашувлари бўлиб ўтиши белгиланган. Шундан сўнг 24 ноябрь куни Ўзбекистон кубоги ярим финалдан ўрин олган икки ўйинга старт берилади. Қарангки, мамлакат кубоги финалида ҳам Тошкент дербиси гувоҳига айланамиз. "Пахтакор" - "Бунёдкор" шу куни финал йўлланмаси учун майдонга чиқишади. "Пахтакор" амалда чемпионликни қўлга киритиб, мавсумдаги учинчи соврин сари интилса, "Бунёдкор" ҳам йилни соврин билан якунлаш илинжида катта иштиёқ билан ҳаракат қилиши табиий. Демак кубок ярим финалида ҳақиқий жанг кўрамиз.


Суперлига. 26-тур. "Бунёдкор" - "Пахтакор". 

27.11.2021. 15:00, "Бунёдкор" стадиони.

Ўзбекистон кубоги ярим финалидан кейин мухлисларнинг диққат эътибори Суперлиганинг сўнгги турига қаратилади. Юқоридаги жамоалар эндиликда Суперлиганинг охирги турида тўқнаш келишади. Тўғри қолган баҳсларга қараганда аҳамияти юқори эмас, мағлубият ёки ғалаба деярли ҳеч нарсани ҳал қилмайди. Фақатгина "Бунёдкор" сўнгги икки турда тарихдаги энг ёмон натижасини қайд этмаслик учун астойдил интилади. Шу кунгача "қалдирғочлар"нинг энг ёмон натижаси 4 ўрин ҳисобланади. Яна бир маълумотни айтиш жоиз, "Бунёдкор" 2016 йилда ҳам шундай ҳолатга тушган. Ўшанда "Локомотив" билан Ўзбекистон кубоги ярим финалида иккита ўйин ўтказган, мавсумни ҳам "темирйўлчилар"га қарши беллашув билан якунлаб қўйганди. 

Абдулазиз Искандаров

Rating: +6   

Comments

championat.asia
< show latest news
Яндекс.Метрика