Матюиди коронавирус юқтириб олган пайтида қандай ваҳимага тушганини айтди

"Тўғрисини айтганда, бу жуда қийин давр эди. Ижобий натижа олганимда ҳатто дўконларга ҳам бора олмай қолдим. Ўзимдан қўрқишни бошладим.

Касал бўлган пайтда ўзингга ишонишинг керак, одамлар сенга яқин юрмайди ва бундай паллада руҳан кучли бўлиш керак. Бу барча учун ўзгача давр, бироз вақт керак.

Менда ҳеч қандай таъсир йўқ эди, таҳлилни олганимдан кейин шокка тушиб қолдим. Ваҳимага тушдим, ўзимнинг ва яқинларимнинг соғлиғидан хавотир ола бошладим. Уларга жуда қийин бўлди, бироқ уларни хотиржам қила олдим. Жуда қийин давр. Барчамиз бунинг тезда якунланишини истаймиз", - деди Матюиди.