Матипга Камерун терма жамоасига қайтишга рухсат берилмади

"Ливерпуль" ҳимоячиси Жоэль Матип 2022 йилги Жаҳон чемпионатида Камерун терма жамоасида ўйнаш истагини билдирди. Камерун футбол федерацияси президенти Самуэль Это’О эса бунга қарши чиқди, дея хабар берди журналист Эрик Нжиру.

Матип 2016 йилдан бери Камерун терма жамоасида ўйнамайди. У ўшанда терма жамоа раҳбариятини танқид қилган ва Африка Кубогига чақирувни рад этган. 

30 ёшли марказий ҳимоячи шу кунгача терма жамоа сафида 27 та ўйин ўтказиб, 1 та гол урган.