Матея Кежман: "Мадрид, Манчестер ва Миланда Милинкович-Савичга катта қизиқиши бор"
19 sep 2017 20:32
News

Матея Кежман: "Мадрид, Манчестер ва Миланда Милинкович-Савичга катта қизиқиши бор"

"Лацио" ярим ҳимоячиси Сергей Милинкович-Савичнинг агенти Матея Кежман ўзининг мижозига топ клублардан бўлаётган қизиқишларини айтиб ўтди.

"Мадрид, Манчестер ва Миланда футболчига катта қизиқиш бор деб айта оламан. У ўзини қулай ҳис қилгиси ва ўсиб ўзининг жойида энг яхшилардан бири бўлишни хоҳлайди.

У мавсумни яхши бошлади ва уни "Лацио"сиз тасаввур қилиш қийин. Лекин, кетиши мумкин. Нима бўлишини кўрамиз, у ҳозир яхши мураббий Симоне Инзаги билан соғлом ишлаяпти.

Игли Таре баъзида танқид қилади, лекин у яхши ишлади. Яхши ўйинчиларни олди ва қониқмаганларини қимматга сотди. "Лацио" таркиби кучайди, улар чемпионатда топ-2га киришлари ва Европа лигасини ютишлари мумкин", - дейди Кежман.