Матеус Лима Круз: "Умид қиламанки, 2-3 ҳафталардан сўнг машғулотларга қайтаман"

- Жарроҳлик операциясидан кейин ўзингни қандай ҳис қиляпсан? Ҳаммаси яхшими?

- Ҳа, энг ёмони ортда қолди. Қайта тикланиш бироз вақт олади. Умид қиламанки, 2-3 ҳафталардан сўнг машғулотларга қайтаман. 

- "Ал Шабаб"га қарши ўйингача майдонга қайтишга улгурасанми?

- Бунга амин эмасман. Мураббийим ва доктор билан маслаҳатлашишим керак. Тикланиш борасида муаммо йўқ. Шунчаки, ўша пайт жисмоний тарафдан қанчалик тайёр бўлишимни кўриш керак. 

- "Ал Шабаб" ҳақида нима дея оласан?

- Ушбу ўйинга жиддий ёндашмоқдамиз. Улар жуда кучли жамоа. Саудия Арабистони чемпионатида ҳам чемпионлик учун курашишмоқда. Бу эса "Ал Шабаб" қанчалик кучли жамоа эканлигини кўрсатади. Биз эса кейинги босқичга йўл олиш учун бор кучимизни ишга солишимиз керак.

P.S. Матеус Лима Круз айни дамда индивидуал тарзда машқ қилмоқда