Мата: "Агар сен МЮ бўлсанг ва Европа лигасида ўйнасанг, фаворит ҳисобланасан"

"Бу ҳақиқатдан ҳам биз учун муҳим ўйин. Клуб ҳеч қачон қўлга киритмаган совринни ютиб олишимиз мумкин. Чемпионлар лигасида ўйнаш учун имконият бўлади. Шу сабабли ҳаммасини жиддий қабул қилиб, ғалаба қозонишимиз шарт. Жорий мавсум кўп ўйин ўтказдик, аммо финалгача етиб борсанг, руҳий куч жисмонийдан кучлироқ бўлади. Учрашувда бор кучимизни беришга тайёрмиз. "Манчестер Юнайтед"га ўтишда мақсадларимдан бири соврин ютиш бўлган. "Аякс" билан баҳсда буни бажара оламиз деган умиддаман. Агар сен "Манчестер Юнайтед" бўлсанг ва Европа лигасида ўйнасанг, фаворит ҳисобланасан. Аммо бундай турнирда ғолиб бўлиш доимо осон бўлмайди" - дейди Мата.