Массимилиано Аллегри: "Тарихни унутинглар, олдинда янги ўйин турибди"

"Тинч ва хотиржам ўйнаймиз. Бутун йил мана шу учун ишладик. Осон бўлмайди, ахир "Реал" - мусобақанинг амалдаги ғолиби, аммо биз мадридликлардан кўра бироз кўпроқ ишлашимиз керак.

Асосий таркиб ҳақида якуний қарорга келмадим. Учрашув 90 ёки 120 дақиқа давом этиши мумкин. 3-4 ойдан буён янги тактик схема бўйича ишлаяпмиз. Бутун ўйинда актив бўла оладиган таркибни танлайман.

Бейл ўз тезкорлиги билан "Реал"га кўп нарса бера олади. Иско ажойиб мавсумни ўтказмоқда, анча кучайди, у билан "Реал"нинг комбинацияларини ўқиш қийин.

Эртага статистика роль ўйнамайди. Бу финал, битта ўйин. Биз ўз кучимизга ишонишимиз ва "Реал"да кучлироқ бўлишимиз керак.

Игуаин ҳеч нимани исботлаши керак эмас. У Монакода иккита муҳим гол урди, финалда ҳам ўзининг энг яхши ўйинини намойиш этишига ишонаман.

"Интер"нинг 2010 йилдаги натижасини (требл) такрорлаш ҳақида ўйламадим. Биз чемпионат ва Италия кубогини қўлга киритдик, шундай экан бу мавсум биз учун ажойиб ўтди. Эртага эса мавсумни ўзгача унутилмас бўлишига ҳаракат қиламиз.

Одамлар "Ювентус" олтита финалда ютқазган дейишмоқда. Буни эшитганман, аммо бу тарих. 15, 20 ёки 50 йил олдинги нарсаларни эслаш керак эмас. Эртага янги ўйин", - дейди Аллегри УЕФА расмий сайтига.