Расмий хабар: "Машъал"ни уч нафар футболчи тарк этди

Мавсум бошида "газчилар" жамоаси сафига келиб қўшилган украиналик легионер футболчи Денис Васильев, камерунлик Элла Кен Арманд ва Никита Павленконинг шартномаси якунлангани боис "Машъал"ни тарк этишди.

"Машъал" клуби бу футболчиларга миннатдорчилик билдиради ва кейинги фаолиятларига омад ва муваффақият тилаб қолади", - деб ёзади "Машъал" матбуот хизмати. 

Маълумот учун, Павленко бу мавсум 19та ўйинда майдонга тушиб 2та гол урди. Денис Васильев 17та баҳсда майдонга тушди ва 1та голли узатма берди. Элла Кен Арманд эса 15та учрашувда ҳаракат қилиб 1та голли пас берди.