"Машъал": Шерзод Файзиев навбатдаги мавсумда жамоамиз сардори бўлади
24 nov 2014 10:40
News

"Машъал": Шерзод Файзиев навбатдаги мавсумда жамоамиз сардори бўлади

"Машъал" клуби ортда қолган мавсумда жамоа шарафини ҳимоя қилган футболчилар билан шартномаларни узайтиришда давом этади.

Ҳимоячи Шерзод Файзиев кейинги мавсумда "Машъал"да қолади ва жамоанинг сардори бўлади.

"Машъал" академияси тарбияланувчиси бўлган футболчи, айни вақтда Ўзбекистон миллий терма жамоасига ҳам номзод футболчидир.

23 ёшли футболчи ортда қолган мавсумда ҳам кўплаб учрашувларда жамоани сардор сифатида бошлаб тушди. Шунга қарамай фахрий футболчимиз Дилявер Ваниев расмий жамоа сардори сифатида эътироф этилиб келаётганди.

Келаётган мавсумда эса Шерзод Файзиев расмий жамоа сардори бўлади.

Эслатиб ўтамиз, Файзиев 2014 йилги мавсумда "Машъал" сафида роппа-роса 22 та учрашувда майдонга тушиб, 1900 дақиқа ҳаракат қилди.

Link :

Source : fcmashal.uz

Receive latest football news directly on your phone. Subscribe for our Telegram channel!

Rating: