"Машъал" ПФКнинг тақдирлаш маросими 25 декабрда ўтказилади
22 dec 2013 17:48
News

"Машъал" ПФКнинг тақдирлаш маросими 25 декабрда ўтказилади

Муборакнинг "Машъал" футбол клуби бир йиллик танаффусдан сўнг олий лигага қайтганидан хабарингиз бор.

Шу муносабат билан 25 декабрь куни "Машъал" спорт мажмуасининг тантаналар залида клуб футболчилари ва мураббийларини тақдирлаш маросими ўтказилади.

Тадбирда "Машъал" ПФК бош ҳомийси Муборак газни қайта ишлаш заводи раҳбарлари, ЎФФ ва ПФЛ расмий вакиллари, Қашқадарё футбол федрацияси раҳбарлари, футбол клубининг барча расмий ходимлари, футболчилар шунингдек клуб мухлислари иштирок этадилар.

Тантанали тадбирда "Машъал" футбол жамоаси ўйинчилари ва мураббийларга олий лигага қатнашиш ҳуқуқини қўлга киритганлари муносабати билан махсус медаллар ва совғалар топширилиши кўзда тутилган.

Шунингдек тадбирнинг бадиий қисмида қушни Бухоро шаҳридан таклиф этилган "Диёр" гуруҳи санъаткорлари тантанали йиғилиш иштирокчиларининг хизматида бўлишади.

"Машъал" ПФК ушбу тантанали тадбирга ўзининг барча мухлисларини таклиф этади. Клуб раҳбарлари ўз хурсандчиликларини мухлислар билан баҳам кўриш ниятидалар. Тадбир 25 декабрь чоршанба куни соат 15:00да бошланади.

Link :

Source : voha.uz

Receive latest football news directly on your phone. Subscribe for our Telegram channel!

Rating: