"Машъал" ўз майдонида ғалаба қозона олмаган ягона жамоа
22 may 2014 10:44
News

"Машъал" ўз майдонида ғалаба қозона олмаган ягона жамоа

Олий лиганинг 9-туридан ўрин олган 5та ўйин бўлиб ўтди.

Кеча Муборакнинг "Машъал" клуби ўз майдонида Тошкентнинг "Локомотив" клубини қабул қилиб 0:2 ҳисобида мағлуб бўлди. Шу тариқа, Александр Хомяков шогирдларининг ўз майдонларидаги ғалабасиз сериясида давом этди. Ўз уйида ўтказган тўртта ўйиннинг 1тасида дуранг ўйнаган "Машъал" уч бор мағлуб бўлди.

Эътиборлиси, жамоа Муборакда ҳали биронта гол ҳам ургани йўқ. "Бунёдкор" (0:2), "Пахтакор" (0:1), "Олмалиқ" (0:0) ва "Локомотив" (0:2).

Қизиғи "газчилар" 10 очконинг 9тасини сафарда қўлга киритишди ва сафар ўйинларида мағлуб бўлмаган учта клубдан бири бўлиб туришибди.

Кеча Жиззахнинг "Сўғдиёна клуби ўз мухлислари қаршисида "Нефтчи"ни мағлуб этди - 2:0. Шундай қилиб, бу мавсумда ўз майдонида ғолиб бўлмаган битта клуб қолди - "Машъал".

Муборакликлар навбатдаги уй ўйинини 6 июнь куни "Навбаҳор"га қарши ўтказишади.

Link :

Source : championat.asia

Receive latest football news directly on your phone. Subscribe for our Telegram channel!

Rating: