"Машъал": Кўрикка молдовалик легионер таклиф этилди

Бугун "Машъал"га кўрикдан ўтиш учун яна бир легионер келиб қўшилади. Жамоамизга таклиф этилган футболчи молдовалик ҳужумчидир.

Виктор Гонца 1988 йилнинг 21 сентябрида Молдавада туғилган. Айни вақтда Молдова Олий лигасининг "Верис" клуби футболчиси ҳисобланади. Хорижий клубларда фаолият олиб бормаган. Ўтган мавсум "Верис" жамоаси билан бирга чемпионатнинг бронза медалларини қўлга киритган. Мавсумни икки клубда ўтказган ҳужумчи 2013/14 йилда 9 та гол киритиб, 8 та аниқ пасни амалга оширган. Фаолияти давомида Молдова Олий лигасида 21 та тўп киритган.

Ушбу легионер бугун таркибга келиб қўшилади ва кўрикдан ўтади. Агар мураббийлар штабида илиқ таассурот қолдира олса футболчи билан шартнома имзоланади.