"Машъал" футболчилари "Локомотив"га қарши ўйинга келмайдими?

Бироз вақт олдин клуб расмий твиттер саҳифасида бугундан бошланажак йиғин бироз кечиктирилгани борасида хабар бериб ўтилди.

"Асосий таркиб жамоамиз бугундан бошланиши керак бўлган машғулотларни баъзи сабабларга кўра тўхтатиб туради", - дейилади ушбу хабарда. Маълумотда нима учун жамоа йиғин кечиктирилгани борасида хабар берилмади. Расмий сайтда ҳам, твиттердаги саҳифасида ҳам бу борада аниқ маълумот тарқатилмаган.

Ушбу хабарни аниқлаш учун клуб матбуот хазмати билан боғланганимизда ушбу йиғин нима учун бошланмагани ҳақида маълумот беришни истамади.

Хабарни аниқлаштириш учун клуб футболчилар билан боғланганимизда жамоа йиғинига боришни истамагани ҳақида айтиб ўтди. Бугундан бошланиши керак бўлган йиғинга биронта футболчи ташриф буюрмаган. Бунинг сабабларини футболчилар ҳам маълум қилмаган. Клуб футболчиларини маълум қилишича 5 сентябрда бўлиб ўтиши керак бўлган "Локомотив"га қарши ўйинга ҳам ташриф буюришни истамайди.

Буларни сабаби ҳақида умуман маълумот айтиб ўтилмаган. Бу борада клубдан расмий маълумотни кутиб қоламиз.