"Машъал": Чипта нархлари арзонлаштирилди

Футбол турларининг ёзги мавсумга ўтганлиги ва об-ҳавонинг ошириб бориши натижасида стадионга мухлислар ташрифи камайиши кутилмоқда. Имкон қадар кечки вақтга белгиланиб бораётган учрашувларимизга стадионимиз мухлислар билан тўлишини истаймиз. Олиб борилган ишлар самарасида "Машъал"нинг уй учрашувларида бевосита стадиондан кузатиб борувчи мухлисларимиз учун кириш чипталари арзонлаштирилди. Унга кўра энди уй учрашувларига кириш нархлари 3000 минг, 2000 минг ва 500 сўм этиб белгиланди.
 
Биринчи тоифа чипталари фақатгина биринчи ва иккинчи сектор учун амал қилади ва 3000 минг сўмдан бўлади. Стадионнинг футболчилар чиқиб келишига қарама-қарши жойлашган, яъни ВИП ва CИП секторнинг икки қанотида жойлашган қисмларга мазкур нарх белгиланган.

Иккинчи тоифа чипталари 2000 минг сўмдан бўлиб , бунга 4-5-6-7 секторлар киради. Ундан ташқари учинчи ва саккизинчи сектор нархлари ҳам бу тоифа ичига киради.

Учинчи тоифа чипталари 500 сўмдан белгиланган бўлиб , бу 12 ёшгача бўлган мухлислар учун мўлжалланган.

Белгиланган нархлар жамоанинг 23 май куни "Қизилқум"га қарши бўлиб ўтадиган ўйинидан бошлаб амалда бўлади.

Эслатиб ўтамиз, бу ўйин 23 май куни 18:00 да старт олади. Мухлисларни мазкур ўйинга чорлаб қоламиз.