"Машъал": "Бунёдкор"га қарши тайёргарлик бошланди
26 apr 2017 08:38
News

"Машъал": "Бунёдкор"га қарши тайёргарлик бошланди

"Машъал" жамоаси олий лиганинг навбатдаги турига тайёргарликни бошлади.

7-турда жамоа "Бухоро" майдонига сафар уюштириб жанговор дуранг (2:2) қайд этганди. Навбатдаги 8-турни жамоа ўз майдонида 28 апрель (жума) куни Тошкентнинг "Бунёдкор" клубига қарши ўтказади. Айни пайтда "Машъал" ушбу баҳсга жиддий ҳозирлик кўрмоқда.

Александр Хомяков шогирдлари кунига икки маҳалдан машғулотларни олиб бормоқда. Таркибга Бобур Қосимов ҳам келиб қўшилди, у енгил машғулотларни бошлади. Қолган футболчиларнинг барчалари соғ-саломат.