«Машъал-2» сафарда ғалаба қозонди
26 may 2017 16:45
News
Биринчи лигада иштирок этиб келаётган "Машъал-2" сафарда «Ғаллаорол» жамоаси билан баҳс борди ва 1:0 ҳисобида ғалаба қозонди.
Ўйиннинг 21 дақиқасида, Муҳриддин Ризвонов яратилган қулай вазиятдан унумли фойдаланиб, рақиб дарвозасини аниқ нишонга олган холда учрашувда ҳисобни очишга муваффақ бўлди. Танаффусдан кейин табиийки майдон эгалари ҳужумкорликни оширишди, кўпгина вазиятларда жамоамизга омад етишмади. Баҳснинг 60 дақиқасида муборакликлар пенальти ишлашга муваффақ бўлди. Бироқ 11 метрлик жарима тўпинидан иқтидорли ҳужумчи Бобур Фарҳодов рақиб жамоа дарвозасини ишғол қилаолмади.
Сўнгги дақиқаларгача баҳс қизғин ва муросасиз кечсада ҳисоб ўзгармади. Шу тариқа «Машъал-2» сафарда муҳим ғалабани қўлга киритди. Мухлислар яхши эслашса керак, ғаллаоролликлар жорий йилги чемпионатда аввалига ўз майдонида «Андижон» кейинчалик “Цементчи” билан бўлган учрашувда дуранг қайд этиб, кўпчиликни ҳайрон қолдирганди. Боиси улар чемпионат пешқадамларидан муҳим бир очкони тортиб олишга муваффақ бўлганди. Шунинг учун айтиш мумкинки, ёш “Газчилар”нинг сафардан ғалаба билан қайтиши таҳсинга лойиқ.
Умид қиламизки, кейинги турларда ҳам Диёр Мирзабоев бошқарувидаги жамоамиз ўзини кўрсатади.
Similar news
![AMP Logo](https://championat.asia/image/logo-amp.png)
Comments