Марко Симич: "Майдонда дўстлар бўлмайди"

Ушбу турда Тошкентнинг икки клуби "Локомотив" ва "Пахтакор" жамоалари ўзаро баҳс олиб боришди. Учрашувдан сўнг, "Пахтакор" ҳимоячиси Марко Симич ўз фикрларини билдириб ўтди.

"Кучли жамоага қарши қийин ўйин бизни кутиб турганини билардик. Иккинчи бўлимда кучли ўйин кўрсатиш учун иккала жамоанинг ҳам кучи етмай қолгани кўриниб қолди. бизда ҳам, рақиб жамоада ҳам гол уриш учун хавфли вазиятлар бўлди. Биринчи бўлимда ўйин тизгинини ўз назоратимизда ушлаб турдик. Иккинчи бўлимда рақибларимиз қарши ҳужумга ўтишди ва қатор вазиятлар яратишди. Фикримча, дуранг натижа иккала жамоани ҳам қаноатлантирди. 

Бу ўйин омадсиз бўлди демаган бўлардим. Бундай қийин ўйинлар бўлиб туради. Асосийси мағлуб бўлмадик. Ғалаба қозониш учун бор кучимиз билан ҳаракат қилдик. Марат Бикмаев билан майдонда бироз баҳслашиб қолдик. Бу футбол. Футболда ҳамма нарса бўлиши мумкин. Майдонда дўстлар бўлмайди. Мени ҳеч қачон камситишларига йўл қўймайман", - дейди Марко Симич

Жаҳонгир Сотволдиев ёзиб олди