Марко Симич: "Жамоавий натижа энг муҳим жиҳат"
23 sep 2017 12:52
News

Марко Симич: "Жамоавий натижа энг муҳим жиҳат"

"Локомотив"га қарши ўйинда ғалаба голи муаллифига айланган "Пахтакор" сардори учрашув ҳақида таассуротлари билан ўртоқлашди.

- Кучли рақиб билан қийин беллашув ўтказдик. Биз ўйин шундай кечишини билгандик. Зафар қучишимизда яхши тайёргарликнинг ўрни катта бўлди. Гол уришимга келсак, бунга алоҳида эътибор қаратмаган бўлардим. Ким тўп киритишининг фарқи йўқ, муҳими жамоавий муваффақият. Биз бир жамоа сифатида ғалаба қозондик.

Ишқибозлар бугун бизга кўмак беришганини айтган бўлардим. Улар бутун учрашув мобайнида жамоамизни олқишлаб туришди. Ғалаба билан мухлисларимизни табриклайман.