Latest news

21:26"Ливерпуль"нинг ўтган ойдаги энг яхши футболчиси аниқланди  0 20:55Суперлига. "Қизилқум" ўз майдонида "Динамо" устидан ишончли ғалабага эришди  37 20:17Рафинья класикода ўйнамайдиган бўлди  5 19:48Европа клублари "Реал" ҳужумчисига қизиқмоқда  0 19:20Қозоғистон ва Озарбайжон аёллар терма жамоалари иштирокидаги ўртоқлик ўйинини ўзбекистонлик ҳакамлар бошқаради  0 18:55Ўзбекистон Кубоги финалида ишлайдиган ҳакамлар маълум  3 18:43"Реал" асосий футболчиси "Эл Класико" олдидан жароҳатидан тузалди  3 18:15"Барселона" асосий трансфер мақсадини аниқлаб олди  0 17:43Ўзбекистон Кубоги финали чипталари қачон сотувга чиқади?  6 17:22Пеп Гвардиола Абдуқодир Ҳусановнинг ҳолати ҳақида гапирди  3 17:04Ҳусниддин Нишонов операция қилинди  0 16:42Тимур Кападзе: "Ҳозир бор эътиборим терма жамоадаги фаолиятимга қаратилган"  10 16:20Тимур Кападзе "Навбаҳор"ни бошқарадими?  17 15:59Тер Штегеннинг хизматлари Премьер-лига клубларига таклиф қилинди  1 15:28Модрич жамоадошлари олдида қўшиқ куйламаслик учун ноодатий ечим топди  4

"Марказий" стадиондан: "Навбаҳор" мухлисларининг илтимоси ва журналистларнинг эътирози News

"Марказий" стадиондан: "Навбаҳор" мухлисларининг илтимоси ва журналистларнинг эътирози

Ўзбекистон ҳамда Гана терма жамоалари ўртасидаги халқаро ўртоқлик учрашуви бошланиши оз фурсат қолди.

Мазкур ўйин атрофидаги тафсилотларни ёритиш учун "Championat.asia" ижодкорлари ҳам Наманганга ташриф буюришган. Вақтдан унумли фойдаланиш мақсадида ўйинга қадар "Марказий" стадион атрофида "Кўчадаги камера" лойиҳасининг навбатдаги сонини тасвирга олдик. Ушбу дастурни кузатганларнинг хабари бор, халқимизнинг футбол ҳақидаги фикрларини билиш мақсадида одамларга микрофон тутамиз. Бугун ҳам шундай бўлди. Эътиборли жиҳати, наманганлик жонкуяр ишқибозларнинг аксари терма жамоанинг расмий ўйинлари ҳам "Марказий" стадионда ўтказишилишини истаяпти. Улар ўйингоҳнинг тўлишига кафолат беришмоқда... 

Тушдан кейин ўйингоҳ атрофида йиғила бошлаган мухлислар аста-секин стадионга кириб келишяпти. Хуллас, ҳамманинг кайфияти юқори, Наманган халқи терма жамоанинг ўйинини байрамдек қаршиламоқда. Бироз аввал улар билан суҳбатлашганимизда мазкур аренада ўтказиладиган ўйинларга кириш учун чипта нархидан нолиганлар ҳам, тескари фикр билдирганлар ҳам бўлди. Шундай бўлишига қарамай, "Марказий" ўйингоҳни доимий равишда тўлдирадиган мухлисларга ташаккур! 



Стадиондаги муҳит ажойиб, ҳақиқий футбол атмосферасини ҳис қилиш мумкин. Лекин, учрашув атрофидаги воқеаларни ёритиш учун ўйинга ташриф буюрган бир қатор спорт журналистларининг аҳволига ҳавас қилиб бўлмайди. Шахсан ўзим "Навбаҳор" жамоаси уй ўйинларини ўтказадиган ўйингоҳга биринчи бор ташриф буюрдим ва ОАВ учун яратилган шароитлар мени ҳайрон қолдирди. Бутун бошли стадионда журналистлар учун мўлжалланган медиа-трибунанинг ўзи йўқ экан. Бизга мухлислар ўтирган сектордан жой қилиб беришди. Очиғи, олдимизда ўтирган мухлислар ўрнидан туриб олса, ўйинни матнли тарзда онлайн трансляция қилиш тугул, майдонни кўришнинг иложи йўқ. Стадион маъмурияти келаси ўйинларда ушбу ҳолатга эътибор қилишларини сўраб қолардик. Ҳар ҳолда профессионал клубларимиз ўз ўйинларини ўтказадиган ареналарда футбол тарғиботчилари бўлган журналистлар учун энг оддий шароитларнинг йўқлиги кишини хафа қилади.

Майли, амаллашга ҳаракат қиламиз. Мароқли томоша!

Author :
Rating: +29   

Comments

championat.asia
< show latest news
Яндекс.Метрика