Мариано Диас жорий мавсум "Реал" таркибидаги илк ўйнида бурнини шикастлаб олди, энди уни операция қилиш керак
31 oct 2021 16:04
News

Мариано Диас жорий мавсум "Реал" таркибидаги илк ўйнида бурнини шикастлаб олди, энди уни операция қилиш керак

"Реал" ҳужумчиси Мариано Диас "Эльче" (2:1)га қарши Испания чемпионати 12-тур доирасидаги ўйинда бурни синганини хабар қилди.

"Мен охир-оқибат жорий мавсумда илк бор ўйнаганимдан ва жамоа ғалабасидан жуда ҳам мамнунман, аммо, афсуски, муваффақиятсиз тўқнашув сабаб бурнимни шикастлаб олдим. Операция талаб қилинади. Бу йўлдаги яна бир тўсиқ, шунингдек курашни давом эттириш учун яна бир сабабдир", - деб ёзди Диас ўз instagram саҳифасига.

Қайд этиш керакки, "Эльче"га қарши ўйин 28 ёшли Диас учун 2021/22 йилги мавсумдаги биринчиси бўлди, бунга қадар у "қаймоқранглилар"нинг жорий мавсум барча мусобақаларидаги 13та ўйинни ўтказиб юборган.

Форвард "Эльче"га қарши ўйинда ассист қайд этди ва 90 дақиқа ҳаракат қилди.