Марчелло Липпи бошчилигидаги "Гунчжоу Эвергранд" ОЧЛ-2013 соҳиби!
09 nov 2013 19:13
News

Марчелло Липпи бошчилигидаги "Гунчжоу Эвергранд" ОЧЛ-2013 соҳиби!

Бугун 2013 йилги Осиё чемпионлар лигасининг жавоб финали бўлиб ўтди.

Бир ҳафта муқаддам Жанубий Кореяда бўлиб ўтган дастлабки финалда жамоалар 2:2 ҳисобида дуранг ўйнашганди.

Ҳал қилувчи жавоб финали эса бугун Хитойда бўлиб ўтди. Учрашувда "Гуанчжоу" вакили Элкесон (фотода) 58-дақиқада ҳисобни очди - 1:0. Орадан тўрт дақиқа ўтгач меҳмонлар легионери Деян Дамянович мувозанатни тиклади - 1:1. Ушбу ҳисоб ўйин охирига қадар сақланиб қолди. Шу тариқа меҳмонда урилган иккита гол эвазига "Гуанчжоу" Осиё чемпионлар лигаси соҳибига айланди.

Таъкидлаш лозимки, "Гуанчжоу" Хитой клублари орасида биринчи бўлим Осиё чемпионлар лигасида зафар қучди. Бу клуб энди декабрь ойида Марокашда ташкил этиладиган клублар ўртасидаги Жаҳон чемпионатида Осиё қитъаси шарафини ҳимоя қилади.

"Гуанчжоу Эвергранд" - "Сеул" 1:1
Голлар: Элкесон 58 - Дамянович 62.
Дастлабки финал: 2:2.

Link :

Source : championat.asia

Receive latest football news directly on your phone. Subscribe for our Telegram channel!

Rating: