Marca Умтитини "Севилья"га қарши ўйинда баҳоламади. У 90 дақиқа ўйнаганди
11 feb 2021 15:18
News

Marca Умтитини "Севилья"га қарши ўйинда баҳоламади. У 90 дақиқа ўйнаганди

Испаниянинг Marca нашри Испания Кубоги ярим финал "Севилья" ва "Барселона" (2:0) жамоалари иштирокидаги дастлабки ўйиндан сўнг футболчиларга баҳо қўйди.

Баҳоланмаган ягона футболчи эса "Барселона" ҳимоячиси Самуэль Умтити бўлди. Француз рақибнинг биринчи голида алдаб ўтилди, иккинчи гол урилган вазиятда ҳам хатога йўл қўйди ва 90-дақиқада алмаштирилди.

Анъанага кўра баҳо қўйилмаслиги футболчини ўйинни ўта ёмон даражада ўтказганини билдиради.

"Барселона" таркибида Лионель Месси, Усмон Дембеле ва Френки де Йонг икки юлдуздан олишди. "Севилья" дарвозабони Яссин Буну, ҳимоячи Жюль Кунде ва хавбек Жоан Жорданнинг ўйинларига учта юлдузли баҳо қўйилди.