Мануэль Пеллегрини: "Бугун "Сток Сити" билан ўйнагандек бўлдик"

Биз ўзимиз хоҳлаган ва лойиқ бўлган натижага эриша олмадик. Ўйин "Сток Сити" билан бўлган баҳсга жуда ўхшашиб кетди. Ўнта футболчи ҳимояга ётиб олди. "Челси" қарши ҳужумда ўйнади ва гол урди. Киритилган голдан кейин ҳам рақиб ҳимоядан ташқарига чиқмади. Якуний натижа жамоалар ўйинда нима билан машғул бўлганликларини кўрсатиб беролмайди. Жамоа кўрсатган ўйинидан кўнглим тўлди. Биз четлатилишдан кейин ҳам ҳужум қилишда давом этдик. Ҳимояга ётиб олиб, қарши ҳужумда ҳаракат қилмадик. Мен жамоамнинг менталитетидан хурсандман. Катта жамоалардек ўйнаш муҳим. Кичик жамоалар каби ҳимояга ётиб олишдан кўра шуниси афзалроқ.
Лэмпард гол уришига ишондим. Бунақа нарсалар футболда кўп учраб туради. Фрэнк Лэмпард биз учун муҳим футболчи. У жамоага келиб қўшилган кунидан бошлаб ўзини 100 фоиз машғулотларда кўрсатмоқда ва жамоа учун жон куйдирмоқда. Ўйлашимча, Лэмпард ўзининг қадрдон жамоасига гол урганидан жуда ҳам хурсанд эмас. Лекин у жуда катта профессионал.