Мансур Саидов ва Рустам Аъзамов “Бунёдкор”нинг янги аъзолари

Мураббийлар штаби талабига жавоб берганлар билан шартномалар тузилмоқда. Бунгача Шукурали Пўлатов (“Нефтчи”), Вохид Шодиев (“Бухоро”) ва Бобур Акбаров (“Гулистон”) каби футболчилар билан “Бунёдкор” ФК ўртасида битим имзоланганди.

Бугун эса яна икки нафар янги футболчи билан келишувга эришилди. 13 йилдан буён Фарғонанинг “Нефтчи” жамоаси шарафини ҳимоя қилиб келган ярим ҳимоячи Мансур Саидов кейинги фаолиятини “Бунёдкор” билан боғлади. Шунингдек, асосан Тошкентнинг “Локомотив” жамоасидаги ҳаракатлари билан мухлисларга яхши таниш бўлган, ортда қолган мавсумнинг иккинчи қисмини “Навбаҳор”да ўтказган чап қанот ҳимоячиси Рустам Аъзамов ҳам “қалдирғочлар” билан шартнома тузди. Ҳар иккала футболчи икки йиллик битимга имзо чекди.