Мансур Саидов: “Бунёдкор”дан кетганим рост”

Буни футболчининг ўзи ҳам "СА"га берган интервьюсида тасдиқлади:

- Ҳа, чиндан ҳам “Бунёдкор”дан кетдим. Шу боис айни пайтда Фарғонадаман. “Қалдирғочлар”нинг йиғинида маълум муддат иштирок этдим. Шундан келиб чиққан холда жамоа билан дўстона хайрлашишга қарор қилдим. Бу борада дастлаб бош мураббий Миржалол ака Қосимов билан суҳбатлашдим. У киши қароримга қаршилик қилмади. Бунинг учун мураббийга миннатдорчилик билдираман, - дейди Мансур Саидов. - Ҳозирча уйда, оилам даврасида дам оляпман. Яширмайман, олдимда 2-3та вариант бор. Уларни айни пайтда кўриб чиқяпман. Ўзимга қолса, уйга яқинроқ жойда ўйнашни истайман. Чунки бунгача фақат “Нефтчи”да тўп тепганим учун шунга ўрганиб қолганман.