"Манчестер Юнайтед" янги ярим ҳимоячи топди
02 aug 2025 13:38
News

"Манчестер Юнайтед" янги ярим ҳимоячи топди

Транфер ҳуқуқи Испаниянинг "Севилья" клубига тегишли франциялик ярим ҳимоячи Люсьен Агуме фаолиятини Англия Премьер-лигасида давом эттириш вариантига эга.

23 ёшли ярим ҳимоячини "Манчестер Юнайтед" ўз сафига қўшиб олмоқчи. Манкунианликлар саккиз миллион еврога баҳоланаётган футболчининг трансфери бўйича андалусияликларга таклиф билан чиқишга тайёргарлик кўрмоқда.

Агуменинг Севилья клуби билан меҳнат шартномаси 2028 йилнинг ярмигача мўлжалланган. Люсьен ўтган мавсум 37 та ўйин ўтказиб, 1 та гол ва 3 та голли узатмани ўз ҳисобига ёздириб қўйган.