"Манчестер Юнайтед" ва "Реал" Македонияга учиб кетди (фото)
07 aug 2017 16:41
News

"Манчестер Юнайтед" ва "Реал" Македонияга учиб кетди (фото)

Эртага Македониянинг Скопье шаҳрида "Реал" ҳамда "Манчестер Юнайтед" ўртасида УЕФА Суперкубоги учун баҳс ўтказилади.

"Манчестер Юнайтед"нинг Премьер-лигадаги мавсуми якшанбада бошланади, бироқ улар футбол мавсумини эртадан бошлаб олишади. "Қизил иблислар" Европа лигаси ғолиби сифатида Македониядаги Скопье шаҳрида бўлиб ўтадиган УЕФА Суперкубогида иштирок этади. Душанба куни тонгда Жозе Моуриньо шогирдлари соврин учун баҳс бўладиган Скопье шаҳрига учиб кетишди.

"Реал" юлдузи Криштиану Роналду ўзининг собиқ жамоаси "Манчестер Юнайтед"га қарши УЕФА Суперкубоги учун бўладиган баҳсда иштирок этиши мумкин. Бугун "Қироллик клуби"нинг Суперкубокда иштирок этадиган қайдномасини эълон қилди, унда яқинда машғулотларга қўшилган португалиялик ҳам бор.