"Манчестер Юнайтед" мухлислари чипталар нархи кескин ошганидан норози

Бу ҳақда ESPN хабар бермоқда. 

Раҳбарият биринчи марта уй учрашувларини тоифаларга ажратиш тизимини жорий қилмоқда, бунинг натижасида энг оммабоп учрашувлар учун чипталар нархи сезиларли даражада ошади. Клуб мухлислари уюшмаси (MUST) маълумотларига кўра, янгилик нархларнинг ўтган мавсумларга нисбатан 50 фоиздан ортиқ ошишига олиб келади.

"А" тоифасига "Манчестер Сити", "Ливерпуль", "Арсенал", "Челси", "Тоттенхэм" ва "Ньюкасл"га қарши ўйинлар киради. Ушбу ўйинлар учун чипталар мухлисларга 59 фунтдан 97 фунтгача тушади. "Юнайтед" бу ўзгаришларни Премьер-лигадаги бошқа топ-клублар билан бирга қолиш истаги, шунингдек, молиявий барқарорликни мустаҳкамлаш зарурати билан изоҳламоқда. Бироқ мухлислар гуруҳи нафақат нархлар ошиши, балки ўзгаришлар мухлислар билан кенг муҳокама қилинмасдан қабул қилинганидан ҳам норози. 

Тизим 2025/26 йилги мавсумдан бошлаб кучга киради ва ўйинларни уч тоифага – "А", "B" ва "C"га ажратиб, чипта нархларини шунга мувофиқ даражалайди.