"Манчестер Юнайтед" Мактоминейни сотмайди

"Манчестер Юнайтед" клубларни январь ойидаги трансфер ойнасида Скотт Мактоминейни сотиб олишга уринмасликка чақирди. Бу ҳақда "90 min" хабар бермоқда.

Футболчига АПЛ клублари "Эвертон", "Саутгемптон", "Лидс", "Вест Хэм" ва "Лестер" клублари қизиқиш билдирган, бироқ у сотувда мавжуд эмаслиги айтилган.

26 ёшли шотландияликнинг "Манчестер Юнайтед" билан битими 2025 йилнинг ёзига қадар тузилган. Нуфузли Transfermarkt портали футболчини 30 миллион еврога баҳоламоқда.

Мактоминей жорий мавсум "Манчестер Юнайтед" сафида 21 та ўйинда майдонга тушиб, 2 та гол урди ва 1 та голли узатмани амалга оширди.