"Манчестер Юнайтед" "Ливерпуль"ни мағлуб этди. Интрига учун бу жуда яхши ҳолат

МЮ ва "Ливерпуль" бу жангда барча чораларни ишлатади. Уларнинг ўзаро ўйини эса кўп жиҳатларга ойдинлик киритмаса-да, ўртадаги фарқ бироз ошди.

Икки жамоа ҳам учрашувга бир хил кайфиятда етиб борди. МЮ айни дамда Жозенинг тактикаси, Погбанинг ёмон ўйинлари ва Санчеснинг юлдузлиги орқали бошқарилмоқда. "Ливерпуль" эса юқори жисмоний ҳолатга кириб олди ва Коутиньосиз ўйнашни ўрганди. Бу ергача бўлган ўйинлар натижалари ва "Порту" дарвозасига урилган 5 гол бунинг исботи.

МЮ "Ливерпуль"ни мағлуб этди. Рэфшорд икки марта гол уришга эришди ва фаолиятидаги статистикани яхшилаб олди. Бу мавсумда унинг ҳисобида барча турнирларда 12 гол бор. 20 ёшли футболчи шулардан 6тасини АПЛ доирасида урди. Рэшфорд топ-6 ўриндаги жамоалар билан ўйинларда зарбаларининг 29 фоизидан самарали фойдаланмоқда. Бу эса энди етишиб чиқаётган ёш ҳужумчилар учун яхши натижа. Рэшфорднинг голлари жуда муҳим. Ахир у асосий таркиб учун Алексис билан кураш олиб бормоқда. Иқтидор ҳали бери ўлмайди.

Байининг чиройли автоголи "Ливерпуль" учун ютуқ бўлди. Меҳмонлар жуда кўп ҳужум қилди, рақибларидан ёрқинроқ ўйин намойиш этди. Салоҳ ўйиндан олдин МЮга гол уришни ва кучли олти ўриндаги жамоалар билан ўйинлардаги натижаларини яхшилай олишини ваъда қилганди.

Энди Клопп жамоаси ҳақиқий ҳаётга қайтиши керак. Клубнинг ҳимояси ва чизиқлар ўртасидаги боғланишларда узилишлар борлиги кўриниб қолди. Агарда жамоанинг олдинги чизиғидаги уч футболчисидан бири сафдан чиқса, "Ливерпуль" буни енгиб ўтиши қийин бўлади. Мураббий ҳеч кимни айбламаслиги керак ва янги сотиб олинадиган футболчилар ҳақида ўйлаши лозим. Ёзда бундай футболчилар "Ливерпуль"га жуда муҳим.

Мағлубиятнинг ўзи эса муаммо бўлмаслиги керак. Икки клубнинг орасидаги фарқ бор йўғи 5 очко. Бу эса сўнгги турларгача кураш давом этишини билдиради. Агарда МЮ шу тарзда ўйнайдиган бўлса, мавсум якунига қадар ниманидир йўқотиши аниқ.

Вице-чемпионлик учун курашни кичик деталлар ҳал қилади. Клопп вақтлар давомида ўзгаришларни амалга оширди. Бироқ барибир мағлубиятлар жамоани тарк этмаяпти.

Бу ўйин қандайдир шаблон остида ўтди. Бунда футболнинг асосий қоидалари ўз кучини кўрсатди: нима учун "Ливерпуль" барқарор жамоа эмас, нима учун Моуриньо жамоалари фақатгина прагматик ўйин намойиш этади...

Бироқ ҳали ҳеч нима ҳал бўлмади. Ахир олдинда АПЛнинг энг драматик турлари бор. Жўжани санайдиган вақтлар яқин...

Миржалол Норматов