"Манчестер Юнайтед" Коул Палмерга қизиқиш билдирмоқда

"Қизил иблислар" англиялик футболчи трансферга қўйиб юборилса, уни ўз сафига қўшиб олмоқчи. Аммо, "Манчестер Юнайтед"дагилар бундай ўтиш эҳтимоли камлигини тушуниб турибди, чунки "Челси" Палмерни рақибига қўйиб юборишни истамайди.

Палмер жорий мавсум барча мусобақаларда 39 та ўйинда майдонга тушиб, 14 та гол ва 9 та голли узатмага муаллифлик қилди. Футболчининг клуб билан амалдаги меҳнат шартномаси 2033 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 130 млн еврони ташкил этади.