«Манчестер Сити» Нолитони сотиб олди

Англия клуби 29 ёшли испаниялик футболчи билан 4 йиллик шартнома тузди, деб хабар бермоқда «шаҳарликлар» расмий сайти.

Нолитонинг трансфери 13,8 миллион фунтга баҳоланмоқда (16,5 миллион евро). Унинг «Сельта» билан тузган шартномасидаги товон пули айнан шунча эди.

Футболчи «Сити»да йилига 4 миллион евро маош олади.

Ўтган мавсум Испания чемпионатида 29та ўйин ўтказган Нолито 12та гол урди.