"Манчестер Сити" клуби Компани ва Сильванинг ҳайкалини ўрнатади
23 aug 2021 19:10
News

"Манчестер Сити" клуби Компани ва Сильванинг ҳайкалини ўрнатади

Англиянинг "Манчестер Сити" клуби расмий сайти яқин кунларда "Etihad Stadium" яқинида Винсан Компани ҳамда Давид Сильванинг ҳайкаллари ўрнатилиши ҳақида хабар берди.

Бельгия ва Испания терма жамоасининг собиқ футболчилари кўп йиллар давомида "шаҳарликлар" таркибида тўп суриб, клубнинг ҳақиқий рамзига айланди. Ҳайкалларнинг очилиш маросими 28 август куни "Манчестер Сити" — "Арсенал" учрашуви олдидан бўлиб ўтади.

Шунингдек, келгусида "Манчестер Сити" уй стадиони яқинида ўтган мавсум сўнгида жамоани тарк этган клуб афсонаси Серхио Агуэронинг ҳайкали ҳам пайдо бўлади. Аргентиналик футболчининг тимсоли 2022 йилда қад ростлайди.

Эслатиб ўтамиз, "мовийранглар" АПЛнинг амалдаги чемпиони ҳисобланади.