Манба: "Галатасарой" Элдор Шомуродов билан шартнома имзолаш ниятида

"Рома" клуби ҳужумчиси Элдор Шомуродовнинг хизматларига Туркиянинг "Галатасарой" клуби қизиқиш билдирмоқда. Бу ҳақда Туркиянинг Fotospor нашри хабар берди. "Галатасарой" Шомуродовни ўз таркибига қўшиб оладиган бўлса, футболчи легионер деб ҳисобланмайди. 

Эслатиб ўтамиз, 2023/24 йилги мавсумдан бошлаб Озарбайжон, Қозоғистон, Қирғизистон, Ўзбекистон ва Туркманистон фуқароси бўлган максимал бир нафардан футболчи турк клублари таркибида тўп тепган тақдирда легионер ҳисобланмайди.

Маълумот учун, Элдор Шомуродов ўтган мавсумнинг иккинчи ярмини "Специя" сафида ижарада ўтказди ва 16 ўйинда битта гол уришга эришди.