Маъмур Икромов: “ЖЧда Касильясга мухлислик қиламан”

Нуфузи жиҳатдан дунёда биринчи ўринда турадиган мусобақани барчамиз интиқлик билан кутаётганимиз табиий. Ҳар тўрт йилда бир маротаба ўтказилиб келинадиган чемпионатнинг бу сафаргиси ҳам қизиқ ўтишини бемалол таҳмин қилса бўлаверади.

12 июнь куни старт оладиган жаҳон чемпионати олдидан “Металлург” посбони Маъмур Икромовнинг мундиал олди фикрларини билишга қизиқдик.

- Навбатдаги жаҳон чемпионатида Бразилия терма жамоасига мухлислиқ қиламан. Сабаби Луис Фелипе Сколари шогирдлари мазмунли ўйин кўрсатмоқда. Шубҳасиз мезбонлар мусобақа фаворитидир.

- Мундиалда гарчи Бразилия терма жамоасига ишқибозлик қилсамда, футболчилардан Испания терма жамоаси голкиперига мухлислик қиламан. Икер Касильяс бундай халқаро турнирларда кўп бор иштирок этган ва унинг бу борада тўплаган тажрибаси катта – дейди Маъмур Икромов.