Маъмур Икромов: ”Ғалабага ўз ҳиссамни қўшганимдан хурсандман”

Ўйиндан сўнг “темирйулчилар” дарвозабони Маъмур Икромов сайтимиз учун интервью берди.

- Икки жамоа ҳам натижа учун, ғалаба учун ўйнади. Курашларга бой бўлди. Омад бизга кулиб боқди ва биз ғалаба қозондик. Тезкор гол уриб, ҳужум қилишга ҳаракат қилдик ва ҳисобни ушлашга ҳам ҳаракат қилдик.

- Мураббий ўйиндан олдин жамоани қандай руҳлантирди?
- Майдон ҳолати унча сифатли эмасди. Ўйин давомида майда узатмалар беришга қийналдик. Биринчи таймдан кейин мураббийимиз узоқ узатмалар оширишга кўрсатма берди.

- Бугунги финалнинг ташкилий масалалари ҳақида нима дея оласиз?
- Ҳаммаси яхши ўтди. Ҳаммаси учун раҳмат. Бугун бизни қўллаб-қувватлаган мухлисларга ҳам раҳмат ва Қаршидан келган мухлисларга раҳмат. Иккала жамоанинг мухлислари ўйинни  кўтаринки руҳда ўтишига сабабчи бўлди.

- Бугунги ўйинда Игнатий Нестеров ўрнига сиз асосий таркибда тушдингиз. Бунга сабаб нима? Нестеровнинг жароҳати бормиди?
- Менимча жароҳати йўқ эди. Бу мураббийларнинг танлови.

- Чемпионат ўйинларида ва бугунги ўйинда ҳам Драган Черан асосан бирга-бир вазиятда ҳужум қилади...
- Ҳа. Иккинчи таймда шундай вазият бўлди. Ҳимоячиларимиз улгурмай қолди ва ман олдинга чиқдим. Худога шукур жамоани голдан қўтқариб қолдим. Ғалабага ўз ҳиссамни қўшганимдан хурсандман.

Дилдора Холбоева