Latest news

16:05Роналду "Ал-Насср"да қолишини тасдиқлади  0 15:20Қосимов, Аҳмедов, Зейтуллаев, Тожиев - Қатар билан ўзаро ўйинлар тўпурарлари   11 15:00Аҳмад Ал-Жани: "Мундиалга бир қадам қолди"  6 14:50Сречко Катанец Қатар билан ўйинни "Бунёдкор" стадионида томоша қилади  11 14:25Криштиану Роналду: "Ямални тинч қўйиш керак"  8 14:15Расман: Элгужа Лобжанидзе "Қизилқум"ни тарк этди  2 13:55Ўзбекистон Қатарга қарши оқ либосда ўйнайди  4 13:35"Терма жамоа учун оёғим синишига ҳам тайёрман". Роналду — Миллатлар лигаси финалидаги жароҳати ҳақида  0 13:13Суперлигадаги навбатдаги истеъфо. Никола Лазаревич "Қизилқум"дан кетди  5 12:40Алмоез Али: "Ўзбекистонга қарши ўйиндан бошлаб биздан талаб қилинган барча вазифаларни бажарамиз"  12 12:15Вадим Абрамов: "Хотиржамлик билан ғалаба қозондик"  2 11:49Факт. Ўзбекистон Тошкентда Қатарга мағлуб бўлмаган   8 11:28Про лига. 9-турда қайси ҳакамлар ишлашади?   1 10:55“Челси“ сўнгги таклифини юборди  1 10:28“Бавария“ рози бўлди  2

Максим Шацких: "Ўзбекистон U-21 терма жамоаси ҳақли равишда турнир ғолиби бўлди" News

Максим Шацких: "Ўзбекистон U-21 терма жамоаси ҳақли равишда турнир ғолиби бўлди"

Кеча Киев шаҳрида Валерий Лобановский хотира турнири якунига етди.

Унда Озарбайжон ва Украина жамоаларини мағлуб этган Ўзбекистон U-21 терма жамоаси бош совринга эга чиқди. Ўйинларни стадионнинг ўзидан кузатиб борган Ўзбекистон миллий терма жамоаси собиқ ҳужумчиси Максим Шацких championat.asia сайтига қисқа интервью берди.

- Ўзбекистон U-21 терма жамоамизнинг иккита ўйинини томоша қилдингиз. Бизнинг йигитларимизнинг потенциалига қандай баҳо берасиз?

- Яхши ўйинлар ўтказишди. Яхши жамоа йиғилган. Йигитлар жисмоний томонлама ажойиб кўринишди ва тактик томонлама ҳам анча уқувга эга эканликлари сезилди, ҳар бир футболчи нима қилишини яхши билиб ўйнади.

- Терма жамоамиз ўзаги "Олимпик" клуби ҳисобланади. Бу лойиҳага қандай қарайсиз?

- Терма жамоа битта клуб базасида шакллантирилгани яхши. Потенциал бўйича эса натижалар кўрсатади, аммо йигитлар анчагина қобилиятли экан.

- Тимур Кападзе билан бирга кўп йиллар терма жамоада ўйнагансиз. Яхши мураббий бўлиб етишиши учун унда қандай сифатлар бор?

- Тимур ақлли футболчи ва тартибли инсон. Мураббий сифатида эса барчасини унинг натижалари айтиб турибди.

- Украиналик дўстларингиз бизнинг жамоа ҳақида нималар дейишди?

- Менга қўнғироқ қилишди ва стадионнинг ўзида ҳам фақат яхши гаплар айтишди. Жамоа ўйини барчага ёқди ва Ўзбекистон ҳақли равишда Валерий Лобановский хотира турнирида ғолиб бўлди.

- Ўзбекистон U-21 сафида кимларни алоҳида кўрсата оласиз?

- Жамоадаги барча футболчилар тенг кучли. Жамоа сардори (Жасур Жалолиддинов) ажралиб турди, қанот ҳужумчилари ҳам тезкор экан, ҳимоячилар ҳам ўзларига ишонч билан ўйнашди. Ишончим комилки улар яқин келажакда миллий терма жамоага ёрдам беришни бошлашади.

Rating: +75   

Comments

championat.asia
< show latest news
Яндекс.Метрика