Latest news

14:17Жонни Эванс МЮда маълум бир лавозимга тайинланади  0 13:48Миш-мишларга қарамай, Маунт МЮни тарк этишни режалаштирмаяпти  2 13:20Илёс Зейтуллаев: "Самарқанддаги 3 очкони жамоавий ғалаба деган бўлардим"  1 13:02Мареска: "АҚШдаги об-ҳаво туфайли машқ қилиш деярли имконсиз"  0 12:34Раулнинг навбатдаги манзили Испания U-21 термаси бўлиши мумкин — музокаралар бошланди  0 12:07"Бавария" дортмундликлар юлдузини сотиб олмоқчи  0 11:39"Манчестер Сити" ҳимоячисининг дисквалификацияси узайтирилди  4 11:19Суперлига. 14-тур ҳакамлари маълум: "Насаф" – "Пахтакор" учрашувини Тўхтасинов бошқаради  22 10:40"Тоттенхэм" 20 ёшли япониялик футболчининг трансфери бўйича келишувга эришди  1 10:04Шаҳбоз Умаров “Турон“ билан хайрлашди. Унинг кейинги жамоаси водий клуби бўлиши мумкин  6 09:33Шомуродовга А Серия жамоасидан таклиф бор  13 09:02Пролига. Бугун марказий учрашув бўлиб ўтади  1 08:31“Рома“ Шомуродовни қанчага сотишни режа қилгани маълум  8 08:03Клублар ўртасидаги ЖЧ. “Интер Майами“ иштирок этган гуруҳдан кейинги босқичга йўл олганлар маълум  29 07:25Суперлига. "Қалдирғоч"лар Абрамов жамоасини йирик ҳисобда мағлуб этишди, Абдухолиқовдан дубл  0

Максим Шацких: "Бугун биринчи даврадаги қарзимизни қайтардик" News

Максим Шацких: "Бугун биринчи даврадаги қарзимизни қайтардик"

Суперлига 16-туридан ўрин олган "Пахтакор" - "Локомотив" (3:1) учрашувидан сўнг мезбонлар бош мураббийи Максим Шацких матбуот анжуманида иштирок этди.

- Ўйин ҳақида

- Ўйинни тўлиқ назорат қилдик. Биринчи бўлимнинг ўзидаёқ барча масалаларни ҳал этсак бўларди. Ўзгаришлардан кейин эса бироз ўйин тизгиси ўзгарди. Рақиб кўпроқ ҳужум қилди. Янги футболчиларимизга бироз вақт керак. Гол ўтказиб юборганимиз мени жуда ранжитди. Муҳими уч очкони қўлга киритдик.

- Жамоа ёзги трансферлар ойнасида Олимпия терма жамоасининг бир нечта футболчиларини ҳарид қилди. Уларнинг жисмоний ҳолати бўйича муаммо бўлмадими, сабаби улар деярли дам олишмади.

- Муаммо ҳам айнан шунда. Улар деярли дам олишгани йўқ. Биринчи даврадан сўнг Олимпия ўйинларига тайёргарлик ва июль ойида Олимпиада. Биз уларга бир неча кунлик таътил бердик. Ушбу жиҳатда муаммолар бор, футболчилар робот эмас. Олимпиададек катта мусобақа нафақат жисмоний, балки руҳий томонлама ҳам босим ўтказади. Шу сабабли бизга бироз вақт керак.



- Биринчи даврада жамоангиз "Локомотив"га йирик 0:3 ҳисобида мағлуб бўлган эди. Сиз эса ўша учрашувдан сўнг бундай тушунмовчиликлар бўлиб туради деган эдингиз. Бугун жамоангиз биринчи даврадаги шармандали мағлуб аламини олдими?

- Ҳа, қарзимиз бор эди. Бугун ушбу қарзни қайтардик. Баҳордаги учрашув шунчаки нонсенс. Футболчиларимга қарзни қайтариш керак эканлигини айтган эдим. Бугун янада йирикроқ ҳисобда ғалаба қозонишимиз мумкин эди, лекин биринчи бўлимда кўп вазиятларни кўкка совурдик.

- Кузда Элит Осиё чемпионлар лигаси старт олади. "Пахтакор" учун ушбу мусобақада қатнашиш ва маҳаллий мусобақаларнинг якуний палласида иштирок этиш қанчалик қийин бўлиши мумкин?

- Осон бўлмаслиги аниқ. Бизни Эрон ва Ироқ сафари кутиб турибди. Ушбу мамлакатларга учиб боришдаги парвоз вақти жуда узоқ. Мамлакатларнинг ҳолати қандай эканлигини ўзингиз биласиз. Йўлнинг ўзи ҳам кўп кучимизни олиб қўйиши аниқ. Барча футболчилар соғлом бўлиб турса, бўлгани. Қийин бўлиши аниқ.

- "Пахтакор" жамоасининг жароҳатланган футболчилари секин-асталик билан сафга қайтмоқда. Ҳожиакбар Алижонов майдонга қайтишга улгурди, мана бугун эса Дилшод Саитов ҳам майдонга қайтди. Жамоа ўзининг оптимал ҳолатига яқинлашиб келмоқдами?

- Футболчиларнинг жароҳатсизлиги бу яхши хабар. Жамоанинг "пик" ҳолати бўйича эса бир нима дея олмайман. Чемпионат узоқ вақт давом этади. Якуний сана 4 декабрь. Биз қишда мавсумга тайёргарлик кўраётган жараёнимизда айнан қайси ой энг яхши спорт формамизга чиқиб оламиз деган режа тузмаймиз. Буни режа қилиб бўлмайди. Мақсадимиз узоқ вақт давомида стабил ўйин намойиш этиш. Чемпионлар лигаси, Кубок, Суперлига ўйинлари бор. Футболчиларнинг жисмоний ҳолатига эътибор берамиз, айниқса Олимпиадада иштирок этган футболчиларга катта эътибор қаратамиз. Олимпиадада иштирок этганларнинг фитнес бўйича маълумотларини тўплаб олишимиз керак.




Rating: +10   

Comments

championat.asia
< show latest news
Яндекс.Метрика