Latest news

03:07Германия кубоги. "Бавария" ва "Байер"да ғалаба  0 03:02Сенсация қайд этилмади, "Рома", "Ювентус" ва "Интер"да ғалаба  0 02:54Англия лига кубоги. "Ман Сити", "Арсенал", "Ньюкасл" ва "Челси" кейинги босқичда, "Ливерпуль" эса ўз уйида йирик мағлубият қабул қилиб олди  6 02:40Лига 1. ПСЖ меҳмонда "Лорьян"ни мағлуб этолмади  0 23:58Отабек Боймуродов: "Гол ҳақида гапирсам муаммоларга дуч келаман. Улар провокация қилди"  9 23:07Камолиддин Тожиев: "Ҳозир энг бахтли инсонман"  47 22:53"Алё, реф!" финалдаги баҳсли эпизодларни таҳлил қилди   41 22:44Александр Хомяков: "Футболда ҳар доим ютавермайсиз. Менимча, офсайд йўқ эди, лекин мен эксперт эмасман"  26 21:50Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди  91 21:20"Лион" Эндрикни январда ижарага олмоқчи. "Реал" форварди бу вариантни идеал деб ҳисобламоқда  3 20:43"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди  670 18:02Ўзбекистон ўсмирлар терма жамоаси назорат баҳсида Буркина-Фасога ютқазди  29 17:33Ўзбекистон Кубоги финали. Таркиблар маълум  30 16:50Футболда тайм-аут олиб бўлмайди? Уддабурон инглизлар муаммонинг ўзига хос ечимини топишди  2 16:28"Динамо" - "Хоразм" учрашуви Тошкентда ўтказилади  11

Максим Шацких: "Неймар тўпни олиб қўйиш учун ортга қайтмайди, қатарлик ва эронлик футболчилар эса югуришади. Халқаро ўйинларга қадар "Бунёдкор" стадионининг майсаси яхшиланишига умид қиламан" News

Максим Шацких: "Неймар тўпни олиб қўйиш учун ортга қайтмайди, қатарлик ва эронлик футболчилар эса югуришади. Халқаро ўйинларга қадар "Бунёдкор" стадионининг майсаси яхшиланишига умид қиламан"

"Пахтакор" бош мураббийи Максим Шацких ОФК Элит чемпионлар лигаси мусобақасининг қуръа натижалари бўйича сайтимизга кичик интервью берди.

- "Пахтакор" Элит Осиё чемпионлар лигасидаги рақибларини билиб олди. Қуръа натижалари ҳақида фикр билдириб ўтсангиз? Қуръа натижаларидан қониқдингизми?

- Тўғрисини айтсам, қуръаларни кузатмайман. Бундай мусобақаларда кучсиз жамоалар бўлмайди ва барча жамоаларга қарши майдонга чиқишимиз аниқ. Тўғри, номлар бўйича осонроқ рақиблар билан тўғри келгандирмиз, сабаби Саудия клубларининг кучидан барча хабардор. Лекин бу шунчаки фикр, барчаси майдонда ҳал бўлади.

- Тақвимга кўра "Пахтакор" 4та учрашувни меҳмонда ўтказади. "Персеполис", "Истиқлол" ва "Ал-Шорта" жамоаларига қарши кечадиган баҳслар сафарда ўтказилади. Эрон ва Ироқ мамлакатларида нафақат футбол ўйнаш, балки сафар қилиш ҳам осон эмас. Эрон ва Ироқ сафарлари қанчалик қийинчилик туғдириши мумкин?

- Бу ҳақида ўйлаб ҳали ўйлаб кўрганимиз йўқ. Сафар қандай кечиши ҳақида бир нима дея олмайман, аммо уларга қарши ўйнашимиз шарт. Бундай рақиблар билан ўйнаш бироз ноқулайликлар яратади. Сафардаги ташвишлар ва маҳаллий мухлисларнинг ўз суюкли жамоасини қўллаб қувватлаши ҳам рақибга устунлик беради. Биз ҳеч кимдан қўрқмаймиз ва ўз даражамизни биламиз. Қаерда ва кимга қарши ўйнашимизнинг фарқи йўқ. Ўйин куни қандай ҳолатда бўлишимиз энг муҳими.

- Қуръа натижалари "Пахтакор"ни учта Қатар клубига рақиб қилиб қўйди, Қатар клубларининг ўрнида Саудия жамоалари ҳам бўлиши мумкин эди. Саудия Арабистони клублари бизга рақиб бўлмагани кўпроқ фойдами ёки зарар? Саудия клублари билан тўқнаш келмаслик кейинги босқичга йўл олиш имкониятларини оширгандек гўё. Шу ҳақда фикр билдирсангиз?

- Бу бизга яхши бўлдими ёки ёмон бу саволга жавоб бериш қийин. Масалан, тасаввур қилайлик биз "Ал-Ҳилол" билан ўйнаяпмиз. Неймар тўпни йўқотганида жамоасига ёрдам бериш учун ортга қайтмайди. Қатарлик футболчи эса албатта бу ишни қилади ва тўпни қайтариб олишга интилади. Бу вазият ҳақида бир нима дейиш нотўғри. Бизга яхшироқ ёки ёмонроқ бўлди демайман. Барчасини жамоаларнинг ҳолати аниқ беради. Рақиб қайси жамоа бўлишидан қатъий назар. Бундай мусобақада кучсиз жамоалар йўқ. Ироқ жамоаси бўладими ёки Саудия барчаси чемпионлар. Бундай ўйинлар орқали биз катта оламиз.

- Қуръа биз учун омадли келди десак ҳам бўлади. Бундай жамоаларга қарши "Пахтакор" кураша олишига кўзим етмоқда. Жамоангизнинг плей-офф босқич йўлланмасини қўлга кирита олиш имкониятларига баҳо бериб ўтсангиз? Бундай рақибларга қарши "Пахтакор"дан кўп нарса кутсак бўлади.

- Имкониятларимиз 50/50. Биз ушбу мусобақага адашиб келиб қолганимиз йўқ. Барча жамоаларга қарши максимал тарзда курашамиз. Мақсадимиз кейинги босқичга чиқиш. Ягона тилагим "Бунёдкор" стадионининг майсасини яхшилаш. Бундай майдонда сифатли футбол кўрсатиш қийин масала.



Абдулвосит Бектемиров суҳбатлашди


Rating: +5   

Comments

championat.asia
< show latest news
Яндекс.Метрика