Latest news

07:25«Пахтакор» — «Ал Ҳилол» ўртасидаги учрашувнинг энг яхши футболчиси аниқланди  0 03:01ОЧЛ. "Шанхай Порт" "Йокогама Маринос"га, "Ал Райян" эса ўз уйида "Ал Аҳли"га имкониятни бой берди  1 02:55ЕЧЛ. Дортмунддаги ўйинда дуранг қайд этилди, "Арсенал" эса кейинги босқич масаласини ҳал қилди  17 02:53ЕЧЛ. "Реал" 1/8 финалнинг дастлабки ўйинида "Атлетико"дан устун келди  96 02:10Отабек Жўрақўзиев: "Футболда ҳамма нарса бўлишини кўрсатиб қўйдик"  8 01:58Педру Морейра "Ал Ҳилол" устидан қозонилган тарихий ғалабадан сўнг нималар деди? (тўлиқ матбуот анжумани)  9 01:41Абдулла Абдуллаев: "Бундай ўйинларда руҳий тайёргарлик биринчи ўринга чиқади"  3 00:59ЕЧЛ. "Астон Вилла" 1/8 финалнинг биринчи ўйинида "Брюгге"ни меҳмонда таслим этди  4 00:52Игорь Сергеев: "Кейинги ўйин борлиги сабаб ҳисобдаги фарқни оширмоқчи эдик"  5 23:18"Реал" Лондон клубидан 70 млн фунтга баҳоланаётган ўйинчига қизиқмоқда  0 22:58Элит ОЧЛ. "Ал Ҳилол" турнирдаги илк мағлубиятини "Пахтакор" майдонида қабул қилиб олди  220 22:28"Ливерпуль" собиқ ўйинчиси Минамино яна 2 йил Францияда қолади  2 21:44Расман: Ўзбек телеканаллари Англия кубогини намойиш этади  26 20:25Антони "Бетис"да яна бир йил қолмоқчи. МЮ вингери Испания клубида 7 ўйинда 3+2 қайд этди  5 20:00Субименди учун АПЛдан яна икки даъвогар чиқди  1

Максим Шацких: "Аббос Файзуллаевнинг кетишига тайёр эдим" News

Максим Шацких: "Аббос Файзуллаевнинг кетишига тайёр эдим"

"Пахтакор" бош мураббийи Максим Шацких Coca Cola Суперлига 14-турида "Олимпик" устидан қозонилган ғалабадан кейинги фикрларини билдирди.

- Бугунги учрашув ҳақида фикрларингиз?

- Барчага хайрли кеч. Йигитлар бугунги учрашувни яхши ўтказишди. Жисмоний ва тактик томонлама яхши ўйин ўтказдик. Ҳар доим ўзимизга ўзимиз муаммо ўйлаб топамиз ва ўзимизни қийнаб қўямиз, лекин бундай хатолардан ҳам сабоқ олишимиз керак. Умумий қилиб айтганда, бугун яхши ўйин ўтказдик ва йигитлар ғалабага лойиқ эди деб ўйлайман.

- Хамралиев бугун қизил карточка олди, у бир нечта ўйин аввал ҳам қўпол хатога йўл қўйган эди. Уни заҳира ўриндиғида кўришимиз мумкинми?

- У ҳали ёш ва хатоларга йўл қўйиши мумкин. Ёшликда бундай хатолар кўп бўлади. У билан танаффусда гаплашиб олдим ва у ўз хатосини тушунди. Футболчи биринчи навбатда ўз ҳаёлини бир жойга йиғиб олиши керак ва шундан сўнг у майдонда футбол ўйнай олади. Унинг позициясига номзод ўйинчилар ҳам йўқ эмас, бизда муҳими танлов бор ва кейинги учрашувларда ўзгаришлар бўлиши ҳам мумкин.

- "Пахтакор"нинг ёзги трансферларига баҳо берсангиз.

- Аниқ ва керакли трансферларни амалга оширдик ва режамиз бўйича иш тутдик.

- Файзуллаев жамоани тарк этгани ҳисобга олган ҳолда яна янги трансфер кутишимиз мумкинми?

- Трансфер ойнаси ёпилишига қадар уч кун вақт қолди, бу эса деярли иложсиз дегани. Биз маҳаллий футболчиларни олишимиз мумкин, уларни юз фоиз биламиз ва ўрганганмиз. Легионерлар билан шартнома имзолаш эса энди деярли имконсиз.

- Файзуллаевнинг трансфери ҳақида фикрингиз. Ушбу трансфер кутилмаганда рўй берди

- Тўғрисини айтсам, мен бундай бўлишига тайёр эдим. Аббосни биздан олиб кетган инсонларнинг қандайлигини биламан. Мен Аббос билан сўнги икки кунда беш маротаба гаплашган эдим, лекин фойда бермади. Унга омад тилайман, асосий таркибдан тушиб қолмаса бўлди, у йўл олган чемпионат бошқа даражада ва у ерда ривожланиш деярли иложсиз. Чемпионатнинг даражаси ҳам ўсмайди, чунки у ердаги ўйинлар ҳеч кимга қизиқ эмас. Аббос ўз қарорини қабул қилди ва унинг қарорини биз ҳам қабул қилишимиз керак, унга омад тилайман.

- Янги дарвозабонни жамоага олиб келдингиз. Павлюченко асосий дарвозабон бўладими ёки жамоада иккинчи дарвозабон ролида қоладими?

- Рақобат бўлмаган жойда, ўсиш бўлмайди. Санжар жуда меҳнаткаш йигит, лекин у рақобатни ҳис этмаса ўсишдан тўхтайди. Кўрамиз рақобат энг кучли дарвозабонни аниқлаб беради.

- Файзуллаевга "Пахтакор" бош мураббийи сифатида эмас, собиқ футболчи сифатида нима маслаҳат берган бўлар эдингиз?

- Ўзининг энг яхши томонларини кўрсатишини тилаб қоламан. У ақлли ва тезкор футболчи ва у ўзининг кучли томонларини ишга солса, барчаси ўхшайди деб ўйлайман. Футболчи учун энг муҳими ўйин амалиёти ва умид қиламанки Аббоснинг янги клуби уни шунчаки сотиб олгани йўқ.

- Польшалик легионер Кухарчик ҳақида фикрингиз. У ўзининг энг яхши формасида эмас эканлиги кўриниб турибди.

- Адаптация деган нарса бор. У бошқа давлатдан келди, у ерда ҳаёт тарзи, об-хавоси ва инсонлари бошқача. У профессионал ва кейинги ўйинга қадар оптимал формага қириб олишига ишонаман.

- Эркинов каби Файзуллаев ҳам "Пахтакор"га ижара асосида қайтиши мумкинми? 

- Менимча бундай бўлмайди. Янги клуби бекорга уни олиб кетмади. Менимча улар қишгача Аббосни қўйиб юбормаслиги аниқ. Кейин нима бўлади, билмайман тўғриси. Биз Ҳожиматнинг қайтишига ҳам ишонмаётган эдик. Ёш футболчиларга бошқа инсонлар таъсир ўтказишади ва уларни кўп кераксиз нарсаларни ўқтиришади. Нима бўлганда ҳам бу уларнинг қарори.

Rating: +22   

Comments

championat.asia
< show latest news
Яндекс.Метрика